SkyNet မီဒီယာသည် ၎င်း၏ ရုပ်မြင်သံကြားလိုင်းများကို DTH (Direct to Home) နှင့် DTT (Digital Terrestrial Television) ပလပ်ဖောင်းများမှ တစ်ဆင့် ဖြန့်ဝေပါသည်။ OTT (Over-the-top) ပလပ်ဖောင်းများအတွက် ၀ယ်လိုအား မြင့်တက်လာခြင်းနှင့်အတူ လူငယ်အများစုသည် အားလပ်ချိန်များကို virtual world တွင် ကုန်ဆုံးလာခြင်းတို့ကြောင့် SkyNet သည် ခေတ်ရေစီးကြောင်းနှင့်အညီ လုပ်ဆောင်ရန် အစီအစဥ်များ ရှိပါသည်။

SkyNet မီဒီယာမှ ထုတ်လွှင့်သော အကြောင်းအရာများမှာ -

• ဖျော်ဖြေရေး
• အားကစား
• သတင်းအချက်အလက်
• ပညာပေး
• မှတ်တမ်းရုပ်ရှင်များ
• ကလေးနှင့် လူငယ်များအတွက် ကြည့်ရှုစရာများ

SkyNet မီဒီယာသည် ဒေသတွင်းရှိ အကြောင်းအရာများကို ဝယ်ယူပြီး ထုတ်လွှင့်ရုံသာမက ရုပ်ရှင်ဇာတ်လမ်းများကို ရိုက်ကူးထုတ်လုပ်သည့် ကိုယ်ပိုင် ထုတ်လုပ်ရေးအဖွဲ့လည်း ရှိပါသည်။ ထို့အပြင် SkyNet သည် အင်္ဂလိပ်ပရီးမီးယားလိဂ်နှင့် နိုင်ငံခြားဇာတ်လမ်းများ အစရှိသည်တို့ကိုလည်း ပြည်ပမှဝယ်ယူပြီး ထုတ်လွှင့်ပေးပါသည်။

SkyNet DTH၏ ရုပ်သံလိုင်းများကို နိုင်ငံတစ်ဝှမ်းမှ ကြည့်ရှုနိုင်ပြီး ပြောင်းလဲလာသော ကြည့်ရှုမှုပုံစံ ဖြစ်သည့် အထူးသဖြင့် လူငယ်များအနေနှင့် အွန်လိုင်းမှ ကြည့်ရှုလာြခင်းနှင့် လိုက်လျောညီထွေဖြစ်လာစေရန် ဆောင်ရွက်လျက်ရှိပါသည်။ အဆိုပါ ပြောင်းလဲမှုသည် COVID-19 ကပ်ရောဂါ ဖြစ်ပွားချိန်မှ စတင်ခဲ့ပြီး ကြည့်ရှုသူများသည် virtual ပလက်ဖောင်းများကို ပိုမိုအသုံးပြုလာကြပါသည်။ ကိုရီးယား ပေါ့ပ်ယဉ်ကျေးမှုနှင့် အွန်လိုင်း ပလက်ဖောင်းများသည်လည်း လူငယ်များအကြားတွင် ပို၍ ခေတ်စားလာခဲ့ပါသည်။