my_MM MM
my_MM MM en_GB EN
my_MM MM
my_MM MM en_GB EN

ရွှေသံလွင်လုပ်ငန်းစုမှ ရေဘေးဒဏ်ကို ခံခဲ့ရသည့် နေရာဒေသများတွင် လိုအပ်သည့် ကူညီမှုများဖြင့် ဆက်လက် လှူဒါန်းထောက်ပံ့လျက်ရှိ

တိုင်ဖွန်းယာဂီကြောင့် ဖြစ်ပေါ်လာသည့် ရေကြီးရေလျှံမှုများသည် မြန်မာနိုင်ငံ၏ နေရာဒေသအနှံ့အပေါ် များစွာ သက်ရောက်မှုရှိခဲ့ပြီး ရွှေသံလွင်လုပ်ငန်းစုအနေဖြင့် အဆိုပါ နေရာဒေသများရှိ လူ့အဖွဲ့အစည်းများကို ကူညီထောက်ပံ့မှုများပေးနိုင်ရန် ဆောင်ရွက်လျက်ရှိပါသည်။ တိုင်ဖွန်းယာဂီသည် စက်တင်ဘာလလယ်ပိုင်းတွင် အရှေ့တောင်အာရှ နိုင်ငံများစွာကို ဝင်ရောက်ခဲ့ခြင်းကြောင့် ထိခိုက်ပျက်စီးမှုများစွာကို ဖြစ်ပေါ်စေခဲ့ကာ မြန်မာနိုင်ငံတွင်လည်း ဆိုးရွားသော ရေကြီးမှုများကို ဖြစ်ပေါ်စေခဲ့ပါသည်။

Sky Net နှင့် Shwe Bank အဖွဲ့ဝင်များ ပါဝင်သော ရွှေသံလွင်လုပ်ငန်းစုသည် ရေကြီးမှုများ ဖြစ်ပေါ်ခဲ့ မြန်မာနိုင်ငံရှိ မြို့နယ်များတွင် စားနပ်ရိက္ခာ ထောက်ပံ့မှုများပေးနိုင်ရန် ဆက်လက်ဆောင်ရွက် လှူဒါန်းလျက်ရှိပါသည်။

စက်တင်ဘာ ၁၅ နှင့် ၁၆ ရက်များတွင် ရွှေသံလွင်လုပ်ငန်းစုသည် Sky Net နှင့် Shwe Bank တို့နှင့်အတူ ပျဉ်းမနား၊ လယ်ဝေး၊ တပ်ကုန်း၊ ပုဗ္ဗသီရိနဲ့ ဇေယျာသီရိမြို့နယ်များရှိ ရေဘေးသင့်ပြည်သူများအတွက် ထမင်းဘူး ၂၀,၀၀၀ ကို လှူဒါန်းခဲ့ပါသည်။

လုပ်ငန်းစုအနေဖြင့် ကယ်ဆယ်ရေးစင်တာများတွင် နေထိုင်လျက်ရှိသည့် ရေဘေးသင့်ပြည်သူများ၊ မိသားစုများအတွက် ထောက်ပံ့မှုများပေးနိုင်ရန် ဆက်လက်ဆောင်ရွက်သွားမည် ဖြစ်ပါသည်။

ရေကြီးရေလျှံမှုကြောင့် ဖြစ်ပေါ်လာသည့် အခက်အခဲ အဆင်မပြေမှုများအတွက် များစွာ စိတ်မကောင်းဖြစ်ရပြီး ယခုလို စိန်ခေါ်မှုများ ပြည့်နှက်နေချိန်တွင် ကျွန်တော်တို့အနေဖြင့် လူ့အဖွဲ့အစည်းများကို ကူညီပေးရန် တာဝန်ရှိပါသည်။ ကျွန်တော်တို့၏ လှူဒါန်းမှုများသည် ရေဘေးသင့်ပြည်သူများအတွက် အနည်းနှင့်အများ အကျိုးပြုနိုင်ရန် မျှော်လင့်မိပါသည်

— ဟု ရွှေသံလွင်လုပ်ငန်းစု၏ ပြောရေးဆိုခွင့်ရှိသူမှ ပြောကြားခဲ့ပါသည်။

ကယ်ဆယ်ရေးလုပ်ငန်းစဥ်များ ဆက်လက်ဆောင်ရွက်နေစဉ် ရွှေသံလွင်လုပ်ငန်းစုအနေဖြင့် ရေဘေးသင့်ပြည်သူများအတွက် လိုအပ်သည့် အကူအညီများကို ဆက်လက် လှူဒါန်းထောက်ပံ့ပေးသွားမည်ဖြစ်ကြောင်း သန္နိဌာန် ပြုထားပါသည်။

သင်စိတ်ဝင်စားနိုင်မည့် အရာများ

ရွှေသံလွင်လုပ်ငန်းစုက FIBA MAP Myanmar 2025 သင်တန်းအတွက် ဝမ်းမြောက်ဂုဏ်ယူစွာနဲ့ ပံ့ပိုးကူညီ ၂၀၂၅ ခုနှစ်၊ ဇန်နဝါရီလ ၂၈ ရက်။ ရန်ကုန်မြို့ - မြန်မာ့အားကစားနှင့် လူမှုအသိုက်အဝန်းဖွံဖြိုးတိုးတက်ရေးအတွက် မြှင့်တင်ဆောင်ရွက်မှုများနှင့် ဟန်ချက်ညီစွာြဖင့် မြန်မာဘတ်စကတ်ဘောဖွံ့ဖြိုးတိုးတက်ရေးအတွက် ရွှေသံလွင်ကုမ္ပဏီက FIBA Map Myanmar 2025 သင်တန်းအတွက် ပံ့ပိုးကူညီပေးခဲ့မှုကို ဝမ်းမြောက်ဂုဏ်ယူစွာဖြင့် ကြေညာအပ်ပါသည်။ FIBA Map Myanmar 2025 သင်တန်းကို ၂၀၂၅ ခုနှစ်၊ ဇန်နဝါရီလ ၂၆ ရက်နေ့တွင် ရန်ကုန်မြို့၌ ကျင်းပခဲ့ကာ လက်ဘနွန်နိုင်ငံသား သင်တန်းနည်းပြဖြစ်သူ Mr. Garen Boyajian က ပို့ချခဲ့ပါသည်။ အဆိုပါ သင်တန်းသို့ မြန်မာနိုင်ငံဘတ်စကတ်ဘောအဖွဲ့ချုပ်မှ ဒိုင်လူကြီးများ တက်ရောက်ခဲ့ကြကာ သင်တန်းရည်ရွယ်ချက်မှာ သင်တန်းသားများအနေဖြင့် အပြည်ပြည်ဆိုင်ရာဘတ်စကတ်ဘောအဖွဲ့ချုပ်၏ စီမံခန့်ခွဲရေးနှင့် အုပ်ချုပ်စီမံ ရေးဆိုင်ရာ အွန်လိုင်းပလက်ဖောင်း (FIBA Management & Administration Platform-MAP) က တဆင့် ဘတ်စကတ်ဘောနှင့် သက်ဆိုင်သည့် နိုင်ငံတကာကျွမ်းကျင်မှုနှင့် အသိပညာများ တိုးမြင့်လာစေရန် ဖြစ် သည်။ မြန်မာနိုင်ငံဘတ်စကတ်ဘောအဖွဲ့ချုပ်တာဝန်ရှိသူတစ်ဦးဖြစ်သည့် ဦးရန်လင်းအောင်က “ဒီသင်တန်း က ကျွန်တော်တို့ မြန်မာနိုင်ငံဘတ်စကတ်ဘောအဖွဲ့ချုပ်အတွက် အတော့်ကို တန်ဖိုးရှိတဲ့ သင်တန်း ဖြစ်ပါတယ်။ ဒီသင်တန်းက ရရှိတဲ့ နည်းပညာတွေကြောင့် FIBA MAP လို့ခေါ်တဲ့ အပြည်ပြည်ဆိုင်ရာ ဘတ်စကတ် ဘောအဖွဲ့ချုပ် (FIBA) အွန်လိုင်းပလက်ဖောင်းကနေ နိုင်ငံတကာဘတ်စကတ်ဘော လုပ်ငန်းဆောင် တာတွေကို ပိုမိုကောင်းမွန်မြန်ဆန်စွာနဲ့ စီစဉ်ဆောင်ရွက်နိုင်တော့မှာပဲ ဖြစ်ပါတယ်။ ဒီ FIBA MAP အွန်လိုင်း ပလက်ဖောင်းမှာ ကစားသမားမှတ်ပုံတင်တာနဲ့ FIBA အသိအမှတ်ပြု သင်တန်းတွေရဲ့ ရလဒ်တွေကို စောင့် ကြည့်လို့ရတာကြောင့် ကျွန်တော်တို့ MBF အတွက် အတော်အသုံးဝင်တဲ့ အွန်လိုင်းပလက်ဖောင်း ဖြစ်ပါ တယ်။” ဟု ဖွင့်ဟခဲ့သည်။ ဖော်ပြပါသင်တန်းသည် FIBA က မြန်မာနိုင်ငံအတွက် ပြုလုပ်ပေးသော ပထမဆုံးသင်တန်းဖြစ်ပါသည်။ FIBA အနေဖြင့် ယင်းအဖွဲ့ဝင်နိုင်ငံများ၏ ဘတ်စကတ်ဘောအဖွဲ့ချုပ်များအား နိုင်ငံတကာဘတ်စကတ်ဘောပြိုင်ပွဲ များ ပါဝင်ယှဉ်ပြိုင်နိုင်ရန်အတွက် နိုင်ငံတကာအဆင့်မီ ဆက်သွယ်ဆောင်ရွက်နိုင်ရေး ကူညီပေးရန်ရည်ရွယ် ချက်ဖြင့် ယခုကဲ့သို့သော သင်တန်းမျိုးလာရောက် ပို့ချပေးခြင်း ဖြစ်သည်။ လက်ရှိအချိန်၌ MBF သည် ယခုနှစ် ၂၀၂၅ ခုနှစ်တွင် ထိုင်းနိုင်ငံ၌ ကျင်းပမည့် (၃၃) ကြိမ်မြောက် အရှေ့တောင် အာရှအားကစားပြိုင်ပွဲသို့ မြန်မာ့လက်ရွေးစင်အမျိုးသားဘတ်စကတ်ဘောအသင်းကို နိုင်ငံကိုယ်စားပြု ယှဉ် ပြိုင်ရန် စေလွှတ်သွားရေးအတွက် စီစဉ်လျက်ရှိသည်။ “ဒစ်ဂျစ်တယ်ဘတ်စကတ်ဘောအသိုက်အဝန်းနဲ့ ချိတ်ဆက်ဆောင်ရွက်နိုင်ဖို့ မြန်မာနိုင်ငံဘတ်စကတ်ဘော အဖွဲ့ချုပ်အတွက် စွမ်းဆောင်ရည်မြှင့်တင်ပေးမယ့် ဒီလိုသင်တန်းမျိုးကို ပံ့ပိုးကူညီပေးရတဲ့အတွက် ဝမ်း မြောက်မိပါတယ်။ ဒီလိုမျိုးပံ့ပိုးကူညီပေးမှုတွေက MBF ရဲ့ စွမ်းဆောင်ရည် မြှင့်တင်ပေးဖို့နဲ့ မြန်မာနိုင်ငံ ဘတ် စကတ်ဘော စဉ်ဆက်မပြတ် ဖွံ့ဖြိုးတိုးတက်ရေးအတွက် အထောက်အပံ့ ဖြစ်စေမယ်လို့ ယုံကြည်ပါတယ်” ဟု ရွှေသံလွင်လုပ်ငန်းစု အုပ်ချုပ်မှုဒါရိုက်တာ ဒေါ်သဲနိုးစံက ပြောကြားသည်။ ယခုကဲ့သို့ ပံ့ပိုးကူညီမှုများက မြန်မာနိုင်ငံအားကစားကဏ္ဍအနာဂတ်ကို မြှင့်တင်‌ပေးရန်အတွက် ခိုင် မာအားကောင်းသည့် ပူးပေါင်းဆောင်ရွက်မှုများ တည်ဆောက်ခြင်းနှင့် စဉ်ဆက်မပြတ် တိုးတက်မှုများ အတွက် တွန်းအားပေးရန် ရွှေသံလွင်လုပ်ငန်းစု၏ ကတိကဝတ်ကို ထင်ဟပ်စေလျက်ရှိပါသည်။ ရွှေသံလွင်လုပ်ငန်းစုအကြောင်းအကျဉ်း ၁၉၉၂ ခုနှစ်တွင် စတင်တည်ထောင်ခဲ့သည့် ရွှေသံလွင်လုပ်ငန်းစုသည် ဘဏ္ဍာရေးဝန်ဆောင်မှုကဏ္ဍ၊ မီဒီယာ၊ အိမ်ခြံမြေစီမံခန့်ခွဲမှု၊ ကုန်ထုတ်လုပ်မှု၊ ပညာရေးနှင့် အခြားသော ဝန်ဆောင်မှုလုပ်ငန်းကဏ္ဍများ အပါအဝင် အမျိုးမျိုးသော စီးပွားရေးလုပ်ငန်းကဏ္ဍများအား ဆောင်ရွက်လျက်ရှိသည့် လုပ်ငန်းစုကြီး ဖြစ်သည်။ ‌ရွှေသံလွင်လုပ်ငန်းစု၏ အဓိကကုမ္ပဏီလုပ်ငန်းခွဲများမှာ Sky Net (ရွှေသံလွင်မီဒီယာ)၊ ရွှေသံလွင် အိမ်ခြံမြေ စီမံခန့်ခွဲမှု ကုမ္ပဏီ၊ ရွှေသံလွင်အမြန်လမ်းမတည်ဆောက်ရေး ကုမ္ပဏီနှင့် ရွှေဘဏ်တို့ ဖြစ်ကြကာ မြန်မာနိုင်ငံ လူမှုစီးပွား ဖွံ့ဖြိုးတိုးတက်ရေးအတွက် တထောင့်တနေရာမှ ဆောင်ရွက်ပေးလျက် ရှိကြသည်။

ရွှေသံလွင်သည် လူမှုဝန်းကျင်ဆိုင်ရာ တာဝန်ယူမှု  (CSR) လုပ်ငန်းစဥ်များအတွက်  AMCHAM  မှ ပေးအပ်သော  Captain of Industry Award  ကို ရရှိခြင်း

တောင်ငူတွင် ရေဘေးဒဏ်ကို ခံခဲ့ရသည့် မိသားစုများအတွက် လိုအပ်သည့် ကူညီမှုများ ပေးလျက်ရှိ